嘗樂(灣仔) - 茶記蝦球湯伊麵

今日同同事去咗幾多人排隊嘅嘗樂。隔離街舊鋪已經去過好多次，新鋪只係第二次去。 

等嘅時間大約15分鐘，同舊鋪差不多。入面啲燈光猛過舊鋪。我哋4個人岩岩坐度張卡位，唔迫，以茶記黎講算係唔錯。不過如果要搭圓枱都係幾迫下。職員態度都幾好，落單、拎嘢黎、收碟都有笑容。食完職員都無催我哋即刻走，不過我哋都會快速俾返張枱佢，因為到接近1:30 仲有人排緊。

蝦球湯伊麵 （$45）比較少喺茶餐廳食到。啲料都好足下，蝦直徑約有3cm, 仲有菇、甘荀粒同菜。

伊麵無油溢味，不過份量少咗啲，個湯底都麻麻地。 因為唔係套餐，價錢就比較貴喇！仲要加$6 先有熱飲，凍飲加$9。